Թենիսի Ավստրալիայի բաց առաջնության տղամարդկանց մենախաղում հայտնի դարձավ կիսաեզրափակիչի ևս մեկ մասնակից։
Ամերիկացի Բեն Շելթոնը քառորդ եզրափակիչում չորս սեթում 6-4, 7-5, 4-6, 7-6(4) հաշվով հաղթեց իտալացի Լորենցո Սոնեգոյին։ Սա 22-ամյա ամերիկացու կարիերայում երկրորդ կիսաեզրափակիչն է «Մեծ սաղավարտի» մրցաշարում։ 2023-ին նա US Open-ի այս փուլում պարտվել էր Նովակ Ջոկովիչին։
Եզրափակիչի ուղեգրի համար Շելթոնը կպայքարի Յանիկ Սիներ - Ալեքս դե Մինոր զույգի հաղթողի հետ։