Ավստրալիայի բաց առաջնության կանանց մենապայքարում կայացել են քառորդ եզրափակիչի վերջին 2 հանդիպումները:
Աշխարհի երկրորդ ռակետ Իգա Շվյոնտեկն ընդամենը 15 գեյմում ջախջախել է ամերիկուհի Էմմա Նավարոյին: Գրանցվել է 6:1, 6:2 հաշիվը:
Լեհ թենիսիստուհին առաջին մատուցմամբ շահել է 82 տոկոս խաղարկումները, իսկ աշխարհի 8-րդ ռակետը՝ 49:
«Մեծ սաղավարտի» մրցաշարերի հնգակի հաղթողը կիսաեզրափակիչում կմրցի մեկ այլ ամերիկուհի Մեդիսոն Քիզի հետ: Էլինա Սվիտոլինայի դեմ քառորդ եզրափակիչի խաղում Քիզն առավելության է հասել 3:6, 6:3, 6:4 հաշվով:
Նախօրեին կիսաեզրափակիչի մյուս զույգն էին կազմել Արինա Սաբալենկան ու Պաուլա Բադոսան:
