Աշխարհի առաջին ռակետ Նովակ Ջոկովիչը դուրս եկավ Ավստրալիայի բաց առաջնության երկրորդ շրջանում։
Մեկնարկային մրցախաղում սերբ թենիսիստը 4 սեթում հաղթեց աշխարհի 178-րդ ռակետ, խորվաթ Դինո Պրիզմիչին՝ 6-2, 6-7 (5-7), 6-3, 6-4։ Թենիսիստները կորտում անցկացրին 4 ժամ։
«Մեծ սաղավարտի» մրցաշարերի 24-ակի հաղթողը 90-րդ հաղթանակը տարավ Australian Open-ում։
Երկրորդ շրջանում 36-ամյա Ջոկովիչի մրցակիցը կլինի ավստրալացիներ Ալեքսեյ Պոպիրին - Մարկ Պոլմանս զույգի հաղթողը։
Հիշեցնենք, որ Նովակ Ջոկովիչն Australian Open-ի գործող հաղթողն է։ Նախորդ տարի նա կարիերայում 10-րդ անգամ նվաճել էր «Մեծ սաղավարտի» տարվա առաջին մրցաշարի տիտղոսը։
90 wins in Melbourne. Not too bad 😎 👑 @DjokerNole pic.twitter.com/0Ug7p8k7w4
— #AusOpen (@AustralianOpen) January 14, 2024
