«Բոլոնիայի» դեմ Իտալիայի գավաթի խաղարկության քառորդ եզրափակիչի տնային խաղում Բերգամոյի «Ատալանտան» հանդիպման վերջնամասում բաց թողած գոլի արդյունքում պարտվեց 0-1 հաշվով և դուրս մնաց պայքարից:
Միակ գոլը 80-րդ րոպեին խփեց Սանտիագո Կաստրոն:
«Բոլոնիան» կիսաեզրափակիչի առաջին մասնակիցն է: Փուլի ուղեգիրը կվիճարկեն նաև «Միլան» - «Ռոմա» (06.02), «Ինտեր» - «Լացիո» (26.02) և «Յուվենտուս» - «Էմպոլի» (27.02) զույգերը: Կիսաեզրափակիչում «Բոլոնիան» ուժերը կչափի «Յուվենտուս» - «Էմպոլի» խաղի հաղթողի հետ:
Իտալիայի գավաթ, քառորդ եզրափակիչ
«Ատալանտա» - «Բոլոնիա»` 0-1 (տեսանյութ)
Սանտիագո Կաստրո, 80