Իտալիայի Ա սերիայի 11-րդ տուրի կենտրոնական խաղում առաջատար «Նապոլին» ընդունեց Բերգամոյի «Ատալանտային» և պարտվեց 0-3 հաշվով:

Առաջին խաղակեսում դուբլի հեղինակ դարձավ նիգերիացի հարձակվող Ադեմոլա Լուկմանը: Երկրորդ խաղակեսի ավելացված ժամանակի երկրորդ րոպեին էլ հանդիպման վերջակետը դրեց փոխարինման դուրս եկած իտալացի հարձակվող Մատեո Ռետեգին` 3-0:

Սա Բերգամոյի թիմի 5-րդ անընդմեջ հաղթանակն է Իտալիայի առաջնությունում: Անտոնիո Կոնտեի «Նապոլին» Ա սերիայի նախորդ 5 խաղերում հաղթել էր:

Ջան Պյերո Գասպերինիի գլխավորած թիմը 22 միավորով բարձրացավ երկրորդ տեղ ու երեք միավոր է զիջում առաջին տեղում մնացած «Նապոլիին»: 

Իտալիայի  սերիա, 11-րդ տուր

«Նապոլի» - «Ատալանտա»` 0-3 

Ադեմոլա Լուկման, 10, 31, Մատեո Ռետեգի, 90+2