Կատալոնական «Բարսելոնայի» հարձակվող Մարկ Գիուն շատ մոտ է «Չելսի» տեղափոխվելուն: As-ը գրում է, որ լոնդոնյան ակումբը որոշել է ակտիվացնել 18-ամյա ֆուտբոլիստի հրաժարագինը, որը կազմում է 6 միլիոն եվրո:
Գիուն մի քանի ակումբներից առաջարկ է ստացել, բայց ամենաշահավետը եղել է անգլիական գրանդից: «Չելսին» մի քանի անգամ ավելի բարձր աշխատավարձ է առաջարկել կատալոնացուն:
«Բարսելոնան» նույնպես Գիուին մեծ ապագայով ֆուտբոլիստ է համարում և պայմանագիրը երկարաձգելու առաջարկ է կատարել, սակայն կողմերը համաձայնության չեն հասել:
Կատալոնացուն «Չելսիում» գրավել է նաև այն հանգամանքը, որը թիմի նոր գլխավոր մարզիչ Էնցո Մարեսկան հարձակվողին մտադիր է ընդգրկել թիմի հիմնական կազմում:
«Բարսելոնայի» սանը գլխավոր թիմում 7 խաղ է անցկացրել և 2 գոլ է խփել:
