Սպորտային մարմնամարզության Հայաստանի հավաքականը մեկնել է Կատարի մայրաքաղաք Դոհա, որտեղ մարտի 1-4-ը կմասնակցի առանձին վարժությունների աշխարհի գավաթի խաղարկության երկրորդ փուլին։
Հայաստանի հավաքականը ելույթ կունենա հետևյալ կազմով.
Մարզիկներ
- Հարություն Մերդինյան
- Արթուր Դավթյան
- Վահագն Դավթյան
- Արթուր Ավետիսյան
- Գագիկ Խաչիկյան
Մարզիչներ
- Սոս Սարգսյան
- Հայկ Նազարյան
Մրցավար
- Հակոբ Սերոբյան
Հիշեցնենք, որ աշխարհի գավաթի առաջին փուլում, որը կայացել էր Գերմանիայի Կոտբուս քաղաքում, աշխարհի չեմպիոն, Տոկիոյի Օլիմպիական խաղերի բրոնզե մեդալակիր, Եվրոպական խաղերի հաղթող, Եվրոպայի չեմպիոն, կրկնակի փոխչեմպիոն և բրոնզե մեդալակիր Արթուր Դավթյանը հաղթել էր հենացատկի վարժությունում, Գագիկ Խաչիկյանը նժույգ թափերում դարձել էր արծաթե մեդալակիր, իսկ Արթուր Ավետիսյանը բրոնզե մեդալ էր նվաճել օղակների վարժությունում:
