«Լիվերպուլի» պաշտպան Էնդրյու Ռոբերտսոնը պատրաստ է տեղափոխվել Մադրիդի «Աթլետիկո», հայտնում է As-ը։

31-ամյա ֆուտբոլիստը ցանկանում է շարունակել հանդես գալ բարձր մակարդակում ու մասնակցել Չեմպիոնների լիգային։

Շոտլանդացին դեռ վերջնական որոշում չի կայացրել ապագայի հարցում, սակայն վստահ է, որ «Բորնմութի» ֆուտբոլիստ Միլոշ Կերկեզի տրանսֆերից հետո «Լիվերպուլում» ավելի քիչ խաղաժամանակ կստանա, ուստի մտածում է ակումբը փոխելու մասին։

Ռոբերտսոնը մերսիսայդյան գրանդի հետ մինչև 2026 թ. հունիսի 30-ը ներառյալ գործող պայմանագիր ունի։