2021 թվականին մարզական կարիերան ավարտած, Նիդերլանդների ազգային հավաքականի նախկին ֆուտբոլիստ Արյեն Ռոբենը մարզչական դասընթաց է անցնում «Գրոնինգենում», հաղորդում է ակումբի կայքը:
Մադրիդի «Ռեալի», Մյունխենի «Բավարիայի» ու Լոնդոնի «Չելսիի» նախկին վինգերն ՈՒԵՖԱ-ի մարզչական B կարգի արտոնագրի համար անցնում է դասընթաց, որի մի մասը «Գրոնինգենում» պրակտիկան է:
«Ուզում եմ հասկանալ՝ արդյոք այս ամենն ինձ դո՞ւր է գալիս, ինձ համա՞ր է»,- ասել է Ռոբենն իր որոշման վերաբերյալ:
