Ըմբշամարտի համաշխարհային ֆեդերացիան (UWW) Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Արթուր Ալեքսանյանի մասնակցությամբ տեսանյութ է հրապարակել:
Ալեքսանյանը ձեռքի սեղմման ուժի ռեկորդ է սահմանել ըմբիշների շրջանում` գրանցելով 195 ֆունտ արդյունք: Նախորդ ռեկորդը պատկանում էր իրանցի Ամիռեզա Մասումին` 186,6 ֆունտ:
Հիշեցնենք, որ գյումրեցի ըմբիշն ապրիլի 12-ին Բրատիսլավայում կսկսի պայքարը հունահռոմեական ոճի ըմբշամարտի Եվրոպայի առաջնությունում:
