Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամը Սաուդյան Արաբիայի մայրաքաղաք Էր Ռիյադում հանդիպել է համաշխարհային սպորտի աստղերի հետ:
Աբրահամը սոցցանցերում հրապարակել է լուսանկարներ, որոնցում պրոֆեսիոնալ բռնցքամարտի սուպեր ծանր քաշային կարգի WBC, WBA, WBO, IBO վարկածներով աշխարհի չեմպիոն, ուկրաինացի Ալեքսանդր Ուսիկի, ֆուտբոլի Սաուդյան Արաբիայի չեմպիոն և գավաթակիր «Ալ Հիլյալի» հարձակվող, Բրազիլիայի հավաքականի պատմության լավագույն ռմբարկու Նեյմարի հետ է:
Հիշեցնենք, որ Ուսիկը դեկտեմբերի 21-ին Էր Ռիյադում տիտղոսային մենամարտ կանցկացնի բրիտանացի Թայսոն Ֆյուրիի հետ: 37-ամյա Ուսիկը մարտին անցկացրած մենամարտում միավորներով հաղթել էր 36-ամյա Ֆյուրիին:
