«Խիմկիի» կիսապաշտպան Արշակ Կորյանը հարցազրույց է տվել euro-football.ru-ին, որում խոսել է իր նվաճումների ու ապագա ծրագրերի մասին:
- Ի՞նչ ծրագրեր ունեք հաջորդ մրցաշրջանի համար:
- Մնալու եմ «Խիմկիում»: Պայմանագիրս նախատեսված է նաև հաջորդ մրցաշրջանի համար:
- Այս տարի չեմպիոն դարձաք Առաջին դիվիզիոնում: Ձեր մեդալներից ո՞րն եք ամենաարժեքավորը համարում:
- «Լոկոմոտիվի» հետ Ռուսաստանի չեմպիոնական տիտղոսը: Նաև Նիդերլանդների գավաթը:
- «Խիմկիի» գլխավոր տնօրենն ասել է, որ Ռուսաստանի Պերմիեր լիգայի լավագույն տասնյակում հայտնվելու լավ շանսեր ունեք: Դա իրակա՞ն եք համարում:
- Չեմ հասկանում այն մարդկանց, որոնք ասում են, թե պայքարելու ենք միայն տեղը Պրեմիեր լիգայում պահպանելու համար: Ես ուզում եմ չեմպիոնության համար պայքարել, հաղթել բոլոր խաղերում, լինի դա ՌՊԼ, թե Չեմպիոնների լիգա: Այո, դժվար է, բայց ի՞նչն է հեշտ տրվում: Ռուսաստանի Առաջին դիվիզիոնի հաղթող դառնալն էլ դժվար էր:
