Լոնդոնի «Արսենալը» տրանսֆերային առաջարկով դիմել է Մյունխենի «Բավարիայի» կիսապաշտպան Յոզուա Կիմիխին, հայտնում է լրագրող Ֆլորիան Պլետենբերգը:
30-ամյա ֆուտբոլիստի գործող պայմանագիրն ավարտվելու է ամռանը: Կիմիխը չի շտապում երկարաձգել պայմանագիրը, քանի որ գրավոր առաջարկ է ստացել ևս մեկ ակումբից և դրա մասին տեղեկացրել է մյունխենցիներին:
Ավելի վաղ հայտնի էր դարձել, որ «Բավարիան» հետ է կանչել նոր պայմանագրի առաջարկը: Գերմանական գրանդը պատրաստ էր բարձրացնել իր առաջատարի աշխատավարձի չափն ու վճարել տարեկան 22 միլիոն եվրո:
Բունդեսլիգայի ընթացիկ մրցաշրջանում Յոզուա Կիմիխը «Բավարիայի» կազմում անցկացրել է 23 հանդիպում, խփել է մեկ գոլ, կատարել 6 ասիստ:
