Լոնդոնի «Արսենալը» պատրաստ է ձեռք բերել անգլիական «Բորնմութի» հարձակվող Դոմինիկ Սոլանկեին։

Sky Sports-ը հայտնում է, որ 26-ամյա ֆուտբոլիստի ծառայություններով հետաքրքրված են նաև այլ գրանդ ակումբներ։ «Բորնմութն» իր խաղացողի տրանսֆերի վաճառքից ցանկանում է վաստակել նվազագույնը 65 միլիոն եվրո։

Սոլանկեն ավարտված մրցաշրջանում 42 խաղում խփել է 21 գոլ, կատարել 4 արդյունավետ փոխանցում։ Անգլիացին «Բորնմութի» հետ մինչև 2027 թ. հունիսի 30-ը գործող պայմանագիր ունի։ Transfermarkt-ը նրա տրանսֆերային արժեքը գնահատում է 40 միլիոն եվրո։