Անգլիայի Պրեմիեր լիգայի 15-րդ տուրի «Ֆուլհեմի» դեմ արտագնա խաղում (1-1) «Արսենալը» ստանդարտ իրավիճակի խաղարկումից հետո 20-րդ գոլն է խփել 2024 թվականին։
Opta-ն գրում է, որ «Զինագործները» կրկնել են ակումբային ռեկորդը։ Լոնդոնյան ակումբը 2009 թ. նույնպես 20 գոլ էր խփել ստանդարտ իրավիճակների խաղարկումից հետո։ Ցանկում ներառված չեն 11-մետրանոցից գրանցված գոլերը։
Միկել Արտետայի գլխավորած թիմը կարող է գերազանցել այդ ռեկորդը, քանի որ մինչև այս տարեվերջ դեռ երեք հանդիպում ունի և մրցելու է «Էվերթոնի», «Քրիսթալ Փելասի», «Իպսվիչ Թաունի» դեմ։