Մարտին Էդեգորը ճանաչվել է Լոնդոնի «Արսենալի» 2023/24 մրցաշրջանի լավագույն ֆուտբոլիստ, հայտնում է ակումբի մամուլի ծառայությունը։

Հաղթողը որոշվել է քվեարկության միջոցով։ Նորվեգացի ֆուտբոլիստն ստացել է ձայների 33 տոկոսը և առաջ անցել անգլիացի կիսապաշտպան Դեկլան Ռայսից ու ֆրանսիացի պաշտպան Վիլյամ Սալիբայից։

25-ամյա Էդեգորն ավարտված մրցաշրջանում 48 խաղում խփել է 11 գոլ, կատարել 11 ասիստ։