Անգլիայի Պրեմիեր լիգայի երկրորդ տուրում փոխչեմպիոն Լոնդոնի «Արսենալը» մրցակցի խաղադաշտում նվազագույն հաշվով հաղթեց «Քրիսթալ Փելասին»։ Հյուրերի հաղթական գոլը երկրորդ խաղակեսի սկզբնամասում խփեց նորվեգացի կիսապաշտպան Մարտին Էդեգորը, որը հստակ իրացրեց 11-մետրանոց հարվածը։

67-րդ րոպեից «Արսենալը» 10 ֆուտբոլիստով էր խաղում ճապոնացի պաշտպան Տեկեհիրո Տոմիյասուի հեռացման պատճառով։

Հիշեցնենք, որ «Արսենալը» և «Քրիսթալ Փելասը» հաղթանակով էին սկսել Անգլիայի առաջնությունը։

Անգլիայի առաջնություն, 2-րդ տուր

«Քրիսթալ Փելաս» - «Արսենալ»՝ 0-1

Մարտին Էդեգոր, 53 (11մ)

Հեռացում՝ Տեկեհիրո Տոմիյասու, 67 («Արսենալ»)