Իսպանական «Ռեալ Սոսյեդադի» կիսապաշտպան Արսեն Զախարյանը նոր մրցաշրջանի նախապատրաստական փուլը կսկսի հուլիսի 15-ին։ Այդ մասին Sport24-ի հետ զրույցում հայտնել է «Ռեալ Սոսյեդադի» մամուլի ծառայության ղեկավար Յոն Անդեր Մունդուատեն:
«Արսենը և ակումբի այն մյուս ֆուտբոլիստները, որոնք հավաքականների կազմում խաղերի են մասնակցել, 4 օր ավելի են հանգստանալու հնարավորություն ստացել: Զախարյանը երեկ Ռուսաստանից վերադարձել է Իսպանիա, իսկ մարզումներին կներգրավվի հուլիսի 15-ից»,- նշել է Մունդուատեն:
2023/24 մրցաշրջանում 21-ամյա կիսապաշտպանը բասկյան ակումբի կազմում մասնակցել է 40 հանդիպման, խփել 1 գոլ և կատարել 2 գոլային փոխանցում:
