Ռուսաստանի հավաքականի հայ կիսապաշտպան Արսեն Զախարյանը 2024/25 մրցաշրջանում առաջին անգամ խաղադաշտ է դուրս եկել: 21-ամյա ֆուտբոլիստը «Ռեալ Սոսյեդադի» կազմում մասնակցել է «Օսասունայի» դեմ Լա լիգայի 22-րդ տուրի արտագնա հանդիպմանը, որն ավարտվել է Պամպլոնայի թիմի՝ 2-1 հաշվով հաղթանակով:
Զախարյանը 78-րդ րոպեին փոխարինել է Միկել Օյարսաբալին:
«Ռեալ Սոսյեդադը» մնացել է 28 միավորով և 11-րդ տեղում է:
Հիշեցնենք, որ Արսեն Զախարյանը բասկյան ակումբին միացել է 2023 թվականի օգոստոսին Մոսկվայի «Դինամոյից»:
