Ռուսաստանի Առաջին դիվիզիոնի մամուլի ծառայությունը Տուլայի «Արսենալի» և Վլադիկավկազի «Ալանիայի» միջև խաղից հետո անդրադարձել է հայ կիսապաշտպան Արթուր Գալոյանին։
Լուսանկարում «Ալանիայի» 23-ամյա ֆուտբոլիստը ներկայացված է «Արթուր արքա» ֆիլմի գլխավոր հերոսի կերպարով:
Հիշեցնենք, որ այդ խաղում Արթուր Գալոյանը դարձել էր գոլի ու գոլային փոխանցման հեղինակ՝ օգնելով «Ալանիային» հաղթել 2-0 հաշվով։
Ընթացիկ մրցաշրջանում հայ կիսապաշտպանն «Ալանիայի» կազմում անցկացրել է 13 հանդիպում, խփել 6 գոլ ու կատարել 8 ասիստ:
13 տուրից հետո Վլադիկավկազի թիմը 28 միավորով առաջատարն է: Երկրորդ տեղում գտնվող «Բալթիկան» ունի 26 միավոր:
Հիշեցնենք, որ Արթուր Գալոյանը ճանաչվել էր Ռուսաստանի Առաջին դիվիզիոնի՝ սեպտեմբերի լավագույն ֆուտբոլիստ։ Transfermarkt-ը նրա տրանսֆերային արժեքը գնահատում է 1,2 միլիոն եվրո:
