Հայաստանի երիտասարդական հավաքականի հարձակվող Արմեն Հովհաննիսյանն ազատ գործակալի կարգավիճակում տեղափոխվել է հունական «Էպիսկոպի», հայտնում է ակումբի պաշտոնական կայքը:
22-ամյա ֆուտբոլիստն ու հունական թիմը ստորագրել են 2 տարվա պայմանագիր, որը կգործի մինչև 2024 թվականի հունիսի 30-ը:
22-ամյա Արմեն Հովհաննիսյանի նախորդ թիմը մոլդովական «Զիմբրուն» էր: «Փյունիկի» սանը կարիերայի ընթացքում պաշտպանել է նաև «Արարատ-Արմենիայի», Կապանի «Գանձասարի», Սլովակիան ներկայացնող «Նիտրայի» և «Միխալովցեի» գույները:
«Էպիսկոպին» ելույթ է ունենում Հունաստանի 2-րդ Սուպերլիգայի B խմբում, նախորդ մրցաշրջանում 7-րդ տեղն է զբաղեցրել 17 թիմերի պայքարում:


