«Բարսելոնայի» պաշտպան Ռոնալդ Արաուխոն որոշել է մնալ կատալոնական թիմում, հայտնում է ինսայդեր Ֆաբրիցիո Ռոմանոն՝ հղում անելով Mundo Deportivo պարբերականին:
«Կապտանռնագույնների» մարզական տնօրեն Դեկուն բանակցել է ուրուգվայցի պաշտպանի հետ: Արաուխոն վստահեցրել է, որ հունվարին չի հեռանա թիմից՝ չնայած «Յուվենտուսի»՝ գործարքն իրականացնելուն ուղղված համառ ջանքերին:
«Բարսելոնայի» նպատակն է մինչև ամառային տրանսֆերային պատուհանը նոր պայմանագիր առաջարկել Արաուխոյին և պահել ֆուտբոլիստին թիմում ևս մի քանի տարի: