«Արարատի» պաշտպան Սանդրո Տրեմուլեն մասնակցել է Աֆրիկայի ազգերի գավաթի որակավորման փուլի 2 հանդիպման:
Երևանյան ակումբի նորեկը նոյեմբերի 14-ին մասնակցել է Թունիսի հավաքականի դեմ խաղին (2-3), իսկ նոյեմբերի 18-ին Կոմորյան կղզիների դեմ մրցավեճին (0-1): Երկու խաղերում էլ նա մեկնարկային կազմում հանդես է եկել առանց փոխարինման։
Հատկանշական է, որ նոյեմբերի 18-ին կայացած խաղի օրը Տրեմուլեն դարձել էր 25 տարեկան:
Մադագասկարի հավաքականը 2 միավորով խմբում գրավել է վերջին տեղը:
Սանդրոն օգոստոսին է տեղափոխվել «Արարատ», որի կազմում արդեն 6 խաղի է մասնակցել:
