Ֆուտբոլի Հայաստանի Պրեմիեր լիգայի 19-րդ տուրում «Արարատ-Արմենիան» նվազագույն հաշվով տնային հաղթանակ տարավ «Արարատի» նկատմամբ։

Դաշտի տերերի կազմում աչքի ընկավ գվինեացի հարձակվող Մոհամեդ Յատարան, որը 12-րդ գոլը խփեց ընթացիկ առաջնությունում և ռմբարկուների ցուցակում բաժանում է 2-3-րդ տեղերը Լևան Կուտալիայի («Ալաշկերտ») հետ։

Այս հաղթանակից հետո Վարդան Մինասյանի գլխավորած թիմը վաստակեց 39 միավոր ու հավասարվեց երկրորդ տեղում գտնվող «Նոային»։ «Արարատը» 20 միավորով 7-րդն է։

Հայաստանի առաջնություն, 19-րդ տուր

«Արարատ-Արմենիա» - «Արարատ»՝ 1-0

Մոհամեդ Յատարա, 4