«Արարատ-Արմենիան» Fastex Պրեմիեր լիգայի գարնանային հատվածին ու Հակոբ Տոնոյանի անվան Սուպերգավաթի խաղարկությանն ընդառաջ հունվարի 24-ից փետրվարի 15-ը Կիպրոսում ուսումնամարզական հավաք կանցկացնի, հայտնում է ակումբի մամուլի ծառայությունը։
Հավաքի ընթացքում ակումբը կանցկացնի մի շարք ընկերական հանդիպումներ։
«Արարատ-Արմենիան» Fastex Պրեմիեր լիգայի ընթացիկ մրցաշրջանի առաջին հատվածում վաստակել է 35 միավոր և չորրորդ տեղում է։ Վարդան Մինասյանի գլխավորած թիմը Հայաստանի Սուպերգավաթը փետրվարի 20-ին Երևանի Վազգեն Սարգսյանի անվան «Հանրապետական» ստադիոնում կվիճարկի «Փյունիկի» հետ։