Ֆուտբոլի Հայաստանի Պրեմիեր լիգայի 13-րդ տուրի մեկնարկային խաղում «Արարատ-Արմենիան» ընդունեց «Վեստ Արմենիային» ու վստահ հաղթանակ տարավ 4-0 հաշվով։

Դաշտի տերերի կազմում դուբլի հեղինակ դարձավ գվինեացի հարձակվող Մոհամեդ Յատարան, որը 10 գոլով հավասարվեց ռմբարկուների ցուցակը գլխավորող Լևան Կուտալիային («Ալաշկերտ»)։

Այս հաղթանակից հետո Վարդան Մինասյանի գլխավորած թիմը վաստակեց 26 միավոր ու հավասարվեց երկրորդ տեղում գտնվող «Ուրարտուին», որը մեկ հանդիպում պակաս է անցկացրել։ «Վեստ Արմենիան» ունի 7 միավոր և նախավերջին՝ 7-րդ տեղում է։

Հայաստանի առաջնություն, 13-րդ տուր

«Արարատ-Արմենիա» - «Վեստ Արմենիա»՝ 4-0

Մոհամեդ Յատարա, 2, 33, Վլադիմիր Խառատյան, 19 (ինքնագոլ), Միշել Այվազյան, 87