Fastex Հայաստանի Պրեմիեր լիգայի 9-րդ տուրի մեկնարկային խաղում «Արարատ-Արմենիան» սեփական խաղադաշտում 1-0 հաշվով հաղթեց ԲԿՄԱ-ին ու դարձավ առաջատար։

Խաղի միակ գոլը 8-րդ րոպեին խփեց «Արարատ-Արմենիայի» կապովերդեցի հարձակվող Մաիլսոն Լիման:

«Արարատ-Արմենիայի» ռուս դարպասապահ Վսևոլոդ Երմակովը 5-րդ խաղում անընդմեջ դարպասն անառիկ պահեց:

Վարդան Բիչախչյանի գլխավորած թիմը տարավ 5-րդ անընդմեջ հաղթանակը և 8 խաղից հետո 19 միավորով բարձրացավ առաջին տեղ։ Նույնքան հանդիպում անցկացրած «Ալաշկերտը» 18 միավորով 2-րդն է, եռյակը եզրափակում է «Ուրարտուն» (8 խաղ), որն ունի 16 միավոր: ԲԿՄԱ-ն 6 միավորով նախավերջին՝ 9-րդ տեղում է։

Fastex Հայաստանի Պրեմիեր լիգա, 9-րդ տուր

«Արարատ-Արմենիա» - ԲԿՄԱ՝ 1-0

Մաիլսոն Լիմա, 8

Fastex ՀՊԼ-ի 9-րդ տուրի հանդիպումներին ընդառաջ

Fastex ՀՊԼ. «Արարատ-Արմենիա» - ԲԿՄԱ. Մեկնարկային կազմեր