Չեմպիոնների լիգայի 1/8 եզրափակիչի «Բավարիա» – «Բայեր» առաջին խաղում (3:0) մյունխենցիների դարպասապահ Սվեն Ուլրայխը տարօրինակ իրավիճակում է հայտնվել, գրում է Sky.de-ն:
Չնայած նրան, որ գերմանացին հայտավորված է եղել խաղին՝ նա հանդիպման առաջին կեսը դիտել է տրիբունայից՝ ամենօրյա հագուստով: Երկրորդ կեսում վնասվածք է ստացել դարպասապահ Մանուել Նոյերը և նրան փոխարինել է թիմի նորեկ Յոնաս Ուրբիգը:
Այդ պատճառով մարզիչները հրահանգել են Ուլրայխին տեղ զբաղեցնել պահեստայինների նստարանին, որպեսզի անհրաժեշտության դեպքում նա նույնպես փոխարինման դուրս գա: Գերմանացին շտապել է հանդերձարան, մարզահագուստ հագել և տեղ զբաղեցրել պահեստայինների նստարանին:
Ընթացիկ մրցաշրջանում Ուլրայխը մասնակցել է 2 հանդիպման:
