Անգլիայի Պրեմիեր լիգայի ապրիլի լավագույն ֆուտբոլիստ է ճանաչվել «Լիվերպուլի» կիսապաշտպան Ալեքսիս Մաքալիստերը, հայտնում է կազմակերպության մամուլի ծառայությունը:

Մրցանակի համար պայքարում էին նաև Ռայան Աիտ-Նուրին («Վուլվերհեմփթոն», 1 գոլ, 2 ասիստ), Հարվի Բարնսը («Նյուքասլ», 4 գոլ, 2 ասիստ), Ջեյկոբ Մերֆին («Նյուքասլ», 3 գոլ, 3 ասիստ), Մորգան Ռոջերսը («Ասթոն Վիլա», 1 գոլ, 4 ասիստ), Ռայան Սեսենյոնը («Ֆուլհեմ», 2 գոլ, 2 ասիստ) և Յորգեն Լարսենը («Վուլվերհեմփթոն», 4 գոլ):

Նախորդ ամսվա լավագույն ֆուտբոլիստ էր ճանաչվել «Մանչեսթեր Յունայթեդի» պորտուգալացի կիսապաշտպան Բրունու Ֆեռնանդեշը: