«Մանչեսթեր Յունայթեդի» բրազիլացի հարձակվող Անտոնին վարձավճարով տեղափոխվեց անդալուզական «Բետիս», հաղորդում է անգլիական ակումբի մամուլի ծառայությունը:
24-ամյա ֆուտբոլիստն իսպանական թիմում վարձավճարով կխաղա մինչև ընթացիկ մրցաշրջանի ավարտը: Նա ելույթ կունենա «17» համարի մարզաշապիկով:
Անտոնին 2022 թվականին էր Ամստերդամի «Այաքսից» 95 միլիոն եվրոյով տեղափոխվել անգլիական գրանդ: Ընթացիկ մրցաշրջանում նա մասնակցել է 14 հանդիպման և մեկ գոլ խփել: