Անգլիական «Մանչեսթեր Յունայթեդի» բրազիլացի վինգեր Անտոնին մոտակա օրերին կարող է վերադառնալ թիմի հիմնական կազմ, հայտնում է The Athletic-ը:
Մանկունյացիների գլխավոր մարզիչ Էրիկ տեն Հագը մտադիր է «Գալաթասարայի» հետ խաղում 23-ամյա ֆուտբոլիստին ընդգրկել մեկնարկային կազմում:
«Երեկ նա առաջին անգամ մարզվել է ընդհանուր խմբի հետ, մենք ավելի ուշ որոշում կկայացնենք»,- ասել է հոլանդացի մասնագետը:
Հիշեցնենք, որ Անտոնին վերջերս հայտնվել էր սկանդալի կենտրոնում այն բանից հետո, երբ նախկին ընկերուհի Գաբրիելա Կավալինն իր նկատմամբ բռնություն գործադրելու համար դիմել էր ոստիկանություն:
Միջադեպից հետո ֆուտբոլիստը ժամանակավորապես զրկվել էր «Մանչեսթեր Յունայթեդի» կազմում մարզվելու հնարավորությունից և հեռացվել էր Բրազիլիայի հավաքականից:
