Իսպանական «Բետիսի» վինգեր Անտոնին խոսել է անգլիական «Մանչեսթեր Յունայթեդից» վարձավճարով հեռանալու պատճառների մասին:
«Ֆուտբոլում միշտ էլ ճնշում կա, սակայն այն ավելի ուժեղ է բրազիլական ֆավելաներում: Երբ այնտեղ ես ապրում, մտածում ես ընտանիքիդ ու հարազատներիդ մասին:
Ճնշումը ֆուտբոլիստի կյանքի անբաժանելի մասն է: Մենք պետք է իմանանք, թե ինչպես է պետք հաղթահարել քննադատությունը, ընդունել գովեստի խոսքերը»,- բրազիլացու խոսքը մեջբերում է As-ը:
Ավելի վաղ Անտոնին կարմիր քարտ էր ստացել «Խետաֆեի» դեմ Լա լիգայի 25-րդ տուրի խաղում Խուան Իգլեսիասի դեմ պայքարում կոշտ սահանկում կատարելու համար: «Բետիսի» բողոքարկումից հետո Իսպանիայի Արքայական ֆուտբոլի ֆեդերացիայի բողոքարկման կոմիտեն չեղարկել էր որակազրկումը:
