Իտալիայի հավաքականի նախկին հարձակվող Անտոնիո Կասանոն քննադատել է Թուրինի «Յուվենտուսի» գլխավոր մարզիչ Տիոգո Մոտայի աշխատանքը:
«Տիագո Մոտան սարսափ է դարձել: Մի քանի ֆուտբոլիստ արժեզրկել են իրենց: Չեմ հասկանում, թե ինչու են նրանք հաճախ պահեստայինների նստարանին թողնում Կեֆրեն Թյուրամին, որը «Յուվեի» լավագույն ֆուտբոլիստն է:
Նրանք պետք է ամեն ինչ նորից սկսեն, բայց նոր մարզչի հետ: Սարսափելի արդյունքներ են»,- սկանդալային ֆուտբոլիստի խոսքը մեջբերում է հանրահայտ լրագրող Նիկոլո Սկիրան:
«Յուվենտուսը» դուրս է մնացել Իտալիայի գավաթի խաղարկությունից, իսկ Ա Սերիայում 49 միավորով 4-րդ տեղում է:
