Դերասան Բրեդ Փիթը նախկին կնոջ՝ Անջելինա Ջոլիից բաժանվելուց հետո որոշել է հրաժարվել անձնական կյանքից և այլևս չամուսնանալ: Այս մասին հայտնում է UsWeekly-ը՝ հղում անելով հոլիվուդյան աստղին մոտ կանգնած աղբյուրներին:
Դերասանի ծանոթների խոսքով, Փիթի համար նոր կանանց հետ հանդիպելը դադարել է կարևոր լինել այն բանից հետո, երբ նա ստիպված է եղել լուծել կարևոր հարցեր Ջոլիի հետ ամուսնալուծության գործընթացի արդյունքում:
Ըստ աղբյուրների՝ 57-ամյա դերասանը մի քանի ժամադրության է գնացել, սակայն դրանք ոչ մի լուրջ ավարտ չեն ունեցել: Ի թիվս այլ բաների, Փիթն այժմ զբաղված է Ջոլիի հետ համատեղ երեխաների խնամակալությունն ապահովելու փորձով:
Դերասանի ծանոթները նաև նշել են, որ նա քրտնաջան աշխատում է և փորձում հնարավորինս դրական լինել, չնայած այն հանգամանքին, որ նախկին կնոջ հետ «պատերազմը» լրջորեն ազդել է նրա վրա:
Հոկտեմբերի վերջին հայտնի դարձավ, որ Կալիֆորնիայի Գերագույն դատարանը մերժել է հոլիվուդյան հայտնի դերասան Բրեդ Փիթի բողոքը երեխաների խնամակալության վերաբերյալ շարունակվող գործով:
