Անգլիայի լիգայի գավաթի խաղարկության քառորդ եզրափակիչում «Լիվերպուլը» 5-1 հաշվով հաղթեց «Վեսթ Հեմին» և դուրս եկավ կիսաեզրափակիչ։

Յուրգեն Կլոպի թիմի կազմում դուբլի հեղինակ դարձավ Կյորտիս Ջոնսը, մեկական անգամ էլ աչքի ընկան Դոմինիկ Սոբոսլայը, Քոդի Գակպոն և Մոհամեդ Սալահը։ «Վեսթ Հեմի» գոլը խփեց Ջարոդ Բոուենը։

Կիսաեզրափակիչում մերսիսայդցիները կմրցեն «Ֆուլհեմի» հետ, իսկ եզրափակիչի մյուս ուղեգրի համար կպայքարեն «Չելսին» և «Միդլսբրոն»։

Անգլիայի լիգայի գավաթ, 1/4 եզրափակիչ

«Լիվերպուլ» - «Վեսթ Հեմ»՝ 5-1 (տեսանյութ)

Դոմինիկ Սոբոսլայ, 28, Կյորտիս Ջոնս, 56, 84, Քոդի Գակպո, 71, Մոհամեդ Սալահ, 82 - Ջարոդ Բոուեն, 77