«Ռեալի» գլխավոր մարզիչ Կառլո Անչելոտին մադրիդյան թիմի գլխավոր մարզիչի պաշտոնում 12-րդ տիտղոսն է նվաճել: «Արքայական ակումբը» նախօրեին վաղաժամ հռչակվել էր Իսպանիայի չեմպիոն:

«Ռեալի» ղեկին տիտղոսներով իտալացի մասնագետը շրջանցել է թիմի նախկին գլխավոր մարզիչ Զինեդին Զիդանին: Ֆրանսիացի մասնագետի գլխավորությամբ «Ռեալը» նվաճել էր 11 տիտղոս:

«Ռեալն» ամենաշատ տիտղոսը նվաճել է իսպանացի մասնագետ Միգել Մունյոսի գլխավորությամբ՝ 14 գավաթ:

Մադրիդյան գրանդն Անչելոտիի գլխավորությամբ երկրորդ անգամ է դարձել Լա լիգայի չեմպիոն, երկուական անգամ էլ «Ռեալը» 64-ամյա մասնագետի հետ հաղթել է Չեմպիոնների լիգայում, Իսպանիայի Արքայական գավաթում, Սուպերգավաթում, Աշխարհի ակումբային առաջնությունում և ՈւԵՖԱ-ի Սուպերգավաթում:

Հիշեցնենք, որ Անչելոտին 2021 թվականի հուլիսից է գլխավորում «Ռեալը», նա իսպանական թիմում աշխատել էր նաև 2013-2015 թվականներին:

Անչելոտին գերազանցել է սեփական ռեկորդը