Մադրիդի «Ռեալի» գլխավոր մարզիչ Կառլո Անչելոտին խոսել է ընթացիկ մրցաշրջանում թիմի ուրուգվայցի կիսապաշտպան Ֆեդե Վալվերդեի ելույթների մասին:
«Կարծում եմ, որ նա այս պահին աշխարհի լավագույն կիսապաշտպաններից մեկն է: Նրա աճը շատերի համար անակնկալ էր: Խաղադաշտում նա կարող է անել գրեթե ամեն բան»,- Անչելոտիի խոսքը մեջբերում է Marca-ն:
Հիշեցնենք, որ Վալվերդեն Իսպանիայի ընթացիկ մրցաշրջանում «Ռեալի» լավագույն ռմբարկուն է՝ 6 գոլ:
Լա լիգայի 11 տուրերից հետո մադրիդյան ակումբը 31 միավորով գլխավորում է մրցաշարային աղյուսակը «Բարսելոնայի» հետ:
