Մադրիդի «Ռեալի» գլխավոր մարզիչ Կառլո Անչելոտին գոհունակություն է հայտնել «Մանչեսթեր Սիթիի» դեմ Չեմպիոնների լիգայի անցումային փլեյ-օֆֆի առաջին խաղից (3:2) հետո:
«Ես հանգիստ եմ և գոհ: Մենք փոքր առավելություն ստացանք պատասխան խաղից առաջ: Բոլոր առումներով կատարյալ հանդիպում էր: Բոլորը ջանասիրաբար աշխատում էին, շատ գոլային պահեր ստեղծեցինք:
Արժանի հաղթանակ էր, պարտվում էինք, բայց չհանձնվեցինք: Մեր հարձակման քառյակը շատ արդյունավետ էր: Գոլային պահեր էինք ստեղծում տեղաշարժերի և վարպետության շնորհիվ: Լավ չպաշտպանվեցինք միայն մի քանի դրվագում»,- իտալացու խոսքն է մեջբերում Marca-ն:
«Ռեալ Մադրիդ» – «Մանչեսթեր Սիթի» պատասխան խաղը կկայանա փետրվարի 19-ին և կցուցադրվի FAST TV հավելվածում (iOS, Android):
