Մադրիդի «Ռեալի» գլխավոր մարզիչ Կառլո Անչելոտին խոսել է իսպանացի կիսապաշտպան Մարկո Ասենսիոյի մասին:
«Հուսով եմ՝ նա կմնա «Ռեալում»: Շատ կարևոր է թիմում Մարկոյի պես ֆուտբոլիստ ունենալը, քանի որ նա միշտ կարող է օգնել իր գոլերով և արդյունավետ փոխանցումներով: Ես Ասենսիոյին վստահում եմ, իսկ նա միշտ գոլ է խփում»,- իտալացի մասնագետի խոսքը մեջբերում է Marca-ն:
Հիշեցնենք, որ Չեմպիոնների լիգայի քառորդ եզրափակիչի առաջին խաղում «Ռեալը» 2-0 հաշվով հաղթեց «Չելսիին», իսկ 27-ամյա ֆուտբոլիստը դարձավ երկրորդ գոլի հեղինակը:
Ասենսիոյի պայմանագիրը «Ռեալի» հետ ուժի մեջ է մինչև ընթացիկ մրցաշրջանի ավարտը: Ավելի վաղ լուրեր էին շրջանառվում, որ նա ազատ գործակալի կարգավիճակում կարող է միանալ կատալոնական «Բարսելոնային»:
