Հունահռոմեական ոճի ըմբշամարտի Եվրոպայի քառակի չեմպիոն Մալխաս Ամոյանը (77 կգ) Զագրեբում ընթացող աշխարհի առաջնությունում դարձել է ոսկե մեդալակիր:
Փարիզի 2024 թվականի Օլիմպիական խաղերի բրոնզե մեդալակիրը եզրափակիչում 10-1 հաշվով հաղթել է ճապոնացի Նաո Կուսակային: 2021 թվականի աշխարհի չեմպիոնն Օլիմպիական գործող չեմպիոնին հաղթել է վաղաժամ: 26-ամյա Ամոյանը հռչակվել է աշխարհի կրկնակի չեմպիոն:
Ներկայացնում ենք Ամոյանի չեմպիոնական գոտեմարտն ու պարգևատրման արարողությունը`
Ամոյանը Զագրեբում պայքարը սկսել էր 1/16 եզրափակիչից, որտեղ 2-1 հաշվով հաղթել էր ԱՄՆ-ի ներկայացուցիչ Քամալ Բեյին, 1/8 եզրափակիչում 10-0 հաշվով վաղաժամ հաղթանակ էր տարել լեհ Մատեուշ Բերնատեի դեմ գոտեմարտում, իսկ քառորդ եզրափակիչում 3-1 հաշվով հաղթել էր թուրք Ահմետ Յիլմազին: Ամոյանը կիսաեզրափակիչում 5-1 հաշվով հաղթել էր իրանցի Ալիռեզա Մորադ Աբդևալիին:
«Ֆասթ Սպորտ» հեռուստաալիքները («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ցուցադրում են ըմբշամարտի աշխարհի առաջնությունը` սկսած կիսաեզրափակիչի գոտեմարտերից: Բոլոր քաշային կարգերի կիսաեզրափակիչի և մեդալային գոտեմարտերը ցուցադրվում են նաև Fast TV հավելվածում (iOS, Android):
Կարդացեք նաև`
