ԱՄՆ-ի բռնցքամարտի ֆեդերացիան հայտարարել է Բռնցքամարտի միջազգային ասոցիացիայի (IBA) կազմից դուրս գալու մասին, հայտնում է ֆեդերացիայի մամուլի ծառայությունը:
Ավելի վաղ հաղորդվում էր, որ ԱՄՆ-ի և Մեծ Բրիտանիայի բռնցքամարտի ֆեդերացիաները կստեղծեն բռնցքամարտի համաշխարհային նոր կազմակերպություն (World Boxing): Նրանք դժգոհ են IBA-ի այն որոշումից, որով Ռուսաստանի և Բելառուսի բռնցքամարտիկներին թույլ է տրվել իրենց պետական դրոշի ներքո վերադառնալ միջազգային հարթակ:
Ռուսաստանի և Բելառուսի բռնցքամարտիկների վերադարձով պայմանավորված ԱՄՆ-ի թիմերը հրաժարվել էին մասնակցել կանանց և տղամարդկանց աշխարհի առաջնություններին:
Հաղորդվում էր նաև, որ World Boxing-ը կզբաղվի բռնցքամարտի օլիմպիական վարկանիշային մրցաշարերի անցկացմամբ:
Հիշեցնենք, որ IBA-ն զրկված է օլիմպիական վարկանիշային մրցաշարեր անցկացնելու իրավունքից: Այդ մրցաշարերն անցկացնում է Միջազգային օլիմպիական կոմիտեն (ՄՕԿ): IBA-ի նախագահը ռուս Ումար Կրեմլյովն է:
