Արգենտինայի ազգային հավաքականն ԱՄՆ-ում ընթացող Ամերիկայի գավաթի խաղարկության խմբային փուլն ավարտել է 100 տոկոսանոց  արդյունքով:

Մրցաշարի գործող չեմպիոնը երրորդ տուրում 2-0 հաշվով հաղթել է Պերուի հավաքականին: Դուբլի հեղինակ է դարձել Իտալիայի չեմպիոն «Ինտերի» հարձակվող Լաուտարո Մարտինեսը:

Արգենտինայի հավաքականի ավագ և առաջատար Լիոնել Մեսին մկանային վնասվածքի պատճառով հանդիպմանը չի մասնակցել: Ամերիկյան «Ինտեր Մայամիի» հարձակվողը կպատրաստվի քառորդ եզրափակիչի հանդիպմանը:

A խմբի մյուս խաղում Կանադայի և Չիլիի հավաքականները գոլազուրկ ոչ-ոքի են գրանցել՝ 0-0:

Այսպիսով, A խմբից քառորդ եզրափակիչ են դուրս եկել 9 միավոր վաստակած աշխարհի գործող չեմպիոն Արգենտինան և 4 միավորով երկրորդ տեղը գրաված Կանադան:

Ի դեպ, Լիոնել Սկալոնիի գլխավորած րգենտինայի հավաքականը խմբային փուլում խփեց 5 գոլ, սեփական դարպասն էլ անառիկ պահեց: Արգենտինացիներն առաջին տուրում 2-0 հաշվով հաղթել էին Կանադային, երկրորդ տուրում 1-0 հաշվով առավելության էին հասել Չիլիի հավաքականի նկատմամբ:

Ամերիկայի գավաթ, խմբային փուլ, երրորդ տուր

A խումբ

Արգենտինա - Պերու՝ 2-0 (տեսանյութ)

Լաուտարո Մարտինես, 47, 86

Չիրացրած 11-մետրանոց՝ Լեանդրո Պարեդես, 72 (Արգենտինա)

Կանադա - Չիլի՝ 0-0 (տեսանյութ)

Հեռացում՝ Գաբրիել Սուազո, 27 (Չիլի)