Ավստրալուհի Լորեն Ջեքսոնը դարձել է Օլիմպիական խաղերին մասնակցած ամենատարեց բասկետբոլիստը։ Այդ մասին հայտնել է Բասկետբոլի միջազգային ֆեդերացիայի (FIBA) մամուլի ծառայությունը։
Ջեքսոնը Փարիզի 33-րդ ամառային Օլիմպիական խաղերին մասնակցում է 43 տարեկանում։ Նա այսօր` հուլիսի 29-ին, կանանց Ավստրալիայի հավաքականի կազմում մասնակցել է Նիգերիայի թիմի դեմ խաղին, որտեղ իր թիմը 62-75 հաշվով անսպասելի պարտություն է կրել։ Ջեքսոնը մանրահատակի վրա անցկացրել է 12 րոպե, վաստակել 6 միավոր, կատարել 2 ռեբաունդ։
𝐋𝐄𝐆𝐄𝐍𝐃.
— FIBA (@FIBA) July 29, 2024
Lauren Jackson has now become the oldest player ever to play in the Olympics (Women or Men) at the age of 43. 🤯#Paris2024 x #Basketball
🔗 https://t.co/h53RpewnNf pic.twitter.com/chf0dwFxpw
Տղամարդկանց բասկետբոլի մրցաշարում նույնպես չկա մարզիկ, որն Օլիմպիական խաղերին մասնակցել է ավելի մեծ տարիքում, քան Ջեքսոնը։
Փարիզ-2024-ի կանանց բասկետբոլի մրցաշարը մեկնարկել է հուլիսի 28-ին և կավարտվի օգոստոսի 11-ին։ Մրցաձևի օլիմպիական գործող չեմպիոնն ԱՄՆ-ի հավաքականն է։
