«Ռեալի» գլխավոր մարզիչ Չաբի Ալոնսոն Չեմպիոնների լիգայի Լիգայի փուլի 5-րդ տուրում «Օլիմպիակոսի» դեմ խաղից առաջ խոսել է թիմում տիրող մթնոլորտի մասին, հաղորդում է AS-ը:
«Ֆուտբոլիստները միշտ կարևոր են բոլորից: Պետք է նրանց հետ կապ պահել, խոսել ու հարգել: Նրանք պահանջկոտ են, նրանք տարբեր իրավիճակներում են հայտնվում, բայց հենց աշխատանքի շնորհիվ է, որ դառնում են թոփ ֆուտբոլիստներ:
Ես եղել եմ ֆուտբոլիստ, գիտեմ՝ ինչ է նշանակում հանդերձարանը: Միշտ կա աղմուկ, որը խանգարում է, բայց այն չպետք է ազդի թիմի արդյունքների վրա», - ասել է Ալոնսոն:
