«Լիվերպուլի» բրազիլացի դարպասապահ Ալիսոնն Անգլիայի Պրեմիեր լիգայում ռեկորդ է սահմանել:
Բրազիլիայի հավաքականի դարպասապահը «Մանչեսթեր Սիթիի» դեմ տնային խաղում (1-0) երրորդ գոլային փոխանցումն է կատարել եգիպտոսցի հարձակվող Մոհամեդ Սալահին Անգլիայի Պրեմիեր լիգայում: Մեկ խաղացողին կատարած ասիստների ցուցանիշով դա ռեկորդ է դարպասապահների շրջանում։
2022 թվականի ընթացքում դա Ալիսոնի 2-րդ ասիստն էր Եգիպտոսի հավաքականի առաջատարին, ավելի վաղ նա գոլային փոխանցում էր կատարել «Նորվիչի» դեմ Պրեմիեր լիգայի 2021/22 մրցաշրջանի 26-րդ տուրի խաղում (3-1)։ Բրազիլացին Սալահին առաջին ասիստը կատարել էր 2019/2020 մրցաշրջանում կայացած «Մանչեսթեր Յունայթեդի» դեմ տնային խաղում (2-0):
Հիշեցնենք, որ «Լիվերպուլն» Անգլիայի ընթացիկ առաջնությունում անցկացրած 9 խաղերից հետո 13 միավորով 8-րդն է:
