«Բավարիան» հայտնել է, որ ձախ պաշտպան Ալֆոնսո Դեյվիսի համար մրցաշրջան ավարտված է:
Կանադայի հավաքականի ֆուտբոլիստն աջ ծնկի խաչաձև կապանների պատռվածք է ստացել: Մարտի 26-ին նա վիրահատության կենթարկվի:
Դեյվիսը վնասվածքը ստացել է ԱՄՆ-ի հավաքականի դեմ հանդիպման սկզբում և փոխարինվել 12-րդ րոպեին:
Պաշտպանի ապաքինման համար կպահանջվի առնվազն 6 ամիս:
24-ամյա ֆուտբոլիստը փետրվարին է «Բավարիայի» հետ կնքել նոր պայմանագիր, որի ժամկետը կսպառվի 2030 թվականի ամռանը:
