Իտալական «Միլանի» նախկին ֆուտբոլիստ, իսկ այժմ «Մոնցայի» գլխավոր մարզիչ Ալեսանդրո Նեստան լեգենդար Պաոլո Մալդինիին համարում է լավագույն պաշտպանը պատմության մեջ:
«Ես հավաքականում արդեն խաղացել էի նրա հետ, իսկ հետո տեղափոխվեցի «Միլան»: Նա ֆիզիկական և հոգեբանական որակներով պատմության մեջ ուժեղագույն պաշտպանն է: Պաոլոն հազվադեպ էր սխալներ թույլ տալիս, բայց երբ թույլ էր տալիս, դրանք ոչ մի կերպ չէին ազդում նրա վրա:
Մալդինին միշտ զգոն էր, քիչ էր խոսում: Նա լավագույնն է համաշխարհային ֆուտբոլում: Պաոլոն ինձ սովորեցրել է ճիշտ մտածել»,- 49-ամյա մասնագետի խոսքը մեջբերում է Tuttosport-ը:
