Պերուի մայրաքաղաք Լիմայում շարունակվող ծանրամարտի պատանիների և երիտասարդների աշխարհի առաջնության կանանց 55 կգ քաշային կարգում Ալեքսանդրա Գրիգորյանը դարձել է բրոնզե մեդալակիր, հայտնում է Հայաստանի ծանրամարտի ֆեդերացիայի մամուլի ծառայությունը:
Գրիգորյանը պոկում վարժությունում գլխավերևում է պահել 85, իսկ հետո՝ 88 կիլոգրամանոց ծանրաձողը:
Հրում վարժությունում Ալեքսանդրան բարձրացրել է 116 կգ և նվաճել է ոսկե մեդալ: Երկամարտի 204 կգ արդյունքով երիտասարդ ծանրորդը գրավել է երրորդ տեղը:
Հայաստանի երիտասարդական հավաքականի անդամ Հովհաննես Հովհաննիսյանը պոկում վարժությունում բարձրացրել է 125 կգ, հետո հրել է 155 կգ:
Երկամարտի 280 կգ արդյունքով` Հովհաննեսը զբաղեցրել է 10-րդ տեղը:
