Պրոֆեսիոնալ բռնցքամարտի գերծանր քաշային կարգում WBA, WBO և IBF վարկածներով աշխարհի չեմպիոն, ուկրաինացի Ալեքսանդր Ուսիկը պայմանագիր է ստորագրել՝ անպարտելի բռնցքամարտիկ, բրիտանացի Թայսոն Ֆյուրիի հետ տիտղոսային մենամարտ անցկացնելու համար:
«Այո, մենք բոլորս ցանկանում ենք, որ այդ մենամարտը կայանա: Շնորհակալություն եմ հայտնում Skill Challenge Promotions ընկերությանը՝ այս մենամարտը կազմակերպելու ջանքերի համար:
Պարզապես ցանկանում եմ, որ ամբողջ աշխարհն իմանա՝ Ուսիկի թիմից ամեն ինչ ստորագրված է»,- սոցցանցերում գրել է ուկրաինացու մենեջեր Էգիս Կլիմասը:
Հիշեցնենք, որ Ալեքսանդր Ուսիկը պրոֆեսիոնալ ռինգում անցկացրել է 20 մենամարտ և տարել նույնքան հաղթանակ: Թայսոն Ֆյուրին 34 մենամարտից հաղթել է 33-ում ու գրանցել 1 ոչ-ոքի:
