Գերծանր քաշային կարգում WBA, IBF ու WBO վարկածներով աշխարհի չեմպիոն Ալեքսանդր Ուսիկը խոսել է բռնցքամարտից հոգեբանական կախվածություն ունենալու մասին, հայտնում է talkSPORT-ը:
«Եթե դուք 10,15, 20 կամ 25 տարի զբաղվում եք բռնցքամարտով, ապա այն կախվածություն է առաջացնում, դառնում է թմրանյութ: Եթե մի օր չես մարզվում, ապա քեզ մահացած ես զգում:
Ես մարզվում եմ ամեն օր: Շատ եմ ուշադրություն դարձնում ֆիզիկական մարզումներին, իսկ բռնցքամարտով զբաղվում եմ հավաքների ժամանակ»,- ասել է 37-ամյա մարզիկը:
Ալեքսանդր Ուսիկը բռնցքամարտի հեղինակավոր The Ring ամսագրի կողմից ճանաչվել էր 2024 թվականի լավագույն բռնցքամարտիկ:
